КХЛ. Мінскае «Дынама» прайграла ў гасцях па булітах «Атланту»

28.10.2011 / 21:16

Матч прайшоў у Мыцішчах і скончыўся з лікам 2:3 (0:0, 1:2, 1:0, 0:0, 0:1).

У «Дынама» дзве шайбы закінуў фінскі форвард Цеему Лайне (галявыя пасы на рахунку чэхаў: у першым выпадку пас аддаў Збынек Іргл, у другім — Лукаш Крайчак і З. Іргл).

Дарэчы, гэта ўжо чацвертая гульня з «Атлантам» за паўтара месяцы. 18 верасня ў Мінску «Дынама» прайграла 2:3, 23 верасня выйграла ў Мыцішчах 3:1, а 1 кастрычніка прайграла ў Мінску ў овертайме 2:3.

1 кастрычніка, чамусьці, гульня запомнілася найбольш тым, што праз некалькі хвілін пасля яе сканчэння з турмы выпусцілі экс-кандыдата ў прэзідэнты Дзмітрыя Уса.

***

30 кастрычніка «Дынама» згуляе ў гасцях з ніжагародскім «Тарпеда»,

потым тры гульні правядзе дома:

2-га лістапада са «Спартаком», 4 лістапада з «Северсталлю» (ці «Паўночсталлю») і 6 лістапада — з «Віцязем».

Потым будуць хакейныя вакацыі, звязаныя з Кубкам Кар’ялы і Кубкам Палесся.

«Дынама» зараз займае 3-е месца ў Заходняй канферэнцыі.

nn.by