U Minsku płatnuju pryščepku ad hrypu možna zrabić da kanca śniežnia
08.12.2011 / 16:14
Jak paviedamiła zahadčyca addzialeńnia imunaprafiłaktyki Minskaha haradskoha centra hihijeny i epidemijałohii Iryna Hlinskaja, asnoŭny abjom vakcynacyi suprać hrypu zaviaršyŭsia ŭ tradycyjnyja terminy — da 1 śniežnia. Adnak u paliklinikach i miedycynskich centrach jašče zastalisia dozy vakcyny i adpaviedna akazvajucca pasłuhi pa vakcynacyi suprać hrypu. Vierahodna, hetaj mahčymaściu pakarystajucca minčanie, jakija nie zmahli pa stanie zdaroŭja pryščapicca da 1 śniežnia, zaznačyła Hlinskaja. Pavodle jaje słoŭ, imunitet paśla vakcynacyi vypracoŭvajecca na praciahu troch tydniaŭ, tamu tyja, chto atrymaje pryščepku navat u śniežni, buduć abaronieny ad hrypu ŭ pieryjad epidemii. Epidemičny ŭzdym zachvorvańnia na VRVI i hryp čakajecca ŭ Minsku nie raniej za kaniec studzienia.