Z novaha navučalnaha hoda ŭ škołach uviaduć abaviazkovy ispyt pa zamiežnaj movie

16.05.2012 / 16:14

Pra heta zajaviŭ namieśnik ministra adukacyi Kazimir Faryno 16 maja na pres-kanfierencyi ŭ Minsku.

Pavodle jaho słoŭ, u Biełarusi pierajšli ad hramatyčnaha składalnika ŭ vyvučeńni zamiežnych moŭ da kamunikatyŭnaha, stvaryli nieabchodnyja padručniki, i heta dazvolić navučencam mieć dastatkovy ŭzrovień dla taho, kab mieć znosiny na zamiežnaj movie.

Nahadajem, źmianieńni ŭ sistemie vyvučeńnia zamiežnych moŭ adbylisia ŭ biełaruskich škołach z 1 vieraśnia 2010 hoda. U vykładańni zrobleny akcent na maŭlenčuju praktyku. Pavialičana kolkaść hadzin zamiežnaj movy, a taksama pravodzicca dzialeńnie kłasa na try padhrupy (raniej — na dźvie).

Faryno paviedamiŭ, što ŭ nastupnym navučalnym hodzie praciahniecca ekśpierymient pa navučańni biez acenak pa dyscyplinach fizkulturna-estetyčnaha błoka. Jon raspaŭsiudzicca na 3-ja kłasy. «Heta nie aznačaje, što niama acenki navučalnaha pracesu, — zajaviŭ namieśnik ministra, — idzie słoŭnaja acenka: nie acenka, što pakazvajecca ŭ bałach, a słoŭnaja acenka. Raspracavana cełaja sistema acenki viedaŭ dziaciej, i jana humannaja».

Pavodle jaho słoŭ, u nastupnym hodzie budzie prachodzić aprabacyja madeli navučańnia navučencaŭ z vykarystańniem indyvidualnych elektronnych pryład.
Pry pierachodzie z 12-hadovaha terminu navučańnia na 11-hadovy ŭ škołach było aprabavana prymianieńnie elektronnych padručnikaŭ.

Heta novaŭviadzieńnie było ŭspryniata pazityŭna, adznačyŭ Faryno.