Data pierajezdu Červieńskaha rynku ŭ Minsku znoŭ pieraniesiena
21.05.2012 / 13:16
Data pierajezdu pradprymalnikaŭ Červieńskaha rynku ŭ Minsku na novuju placoŭku pieraniesiena na 1 žniŭnia,paviedamiła namieśnik načalnika ŭpraŭleńnia pradprymalnictva Minharvykankama Volha Lavoška siońnia na apieratyŭnaj naradzie ŭ harvykankamie.
«Pakul terminy zakryćcia Červieńskaha rynku pieranosiacca, bo novaja placoŭka pa zavułku Majakoŭskaha nie hatovaja. Płanavaja data vyznačana na 1 žniŭnia», — skazała Volha Lavoška.
Pavodle jaje słoŭ, raniej data zakryćcia najstarejšaha rynku stalicy była pryznačana na 1 červienia, u suviazi z čym uźnikli niekatoryja chvalavańni ŭ pradprymalnickim asiarodździ. «Hetyja chvalavańni byli nieabhruntavanyja, bo nikomu z pradprymalnikaŭ nijakich pradpisańniaŭ ab skasavańni damovaŭ nie vydavałasia», — zaŭvažyła pradstaŭnik profilnaha ŭpraŭleńnia harvykankama, pryznaŭšy ŭ situacyi, jakaja skłałasia niedapracoŭku minskich čynoŭnikaŭ u častcy praviadzieńnia siarod pradprymalnikaŭ tłumačalnaj pracy.