Pamior kłavišnik Deep Purple Džon Łord
17.07.2012 / 11:12
Adzin z zasnavalnikaŭ hurta Deep Purple kłavišnik Džon Łord skanaŭ na 72-m hodzie žyćcia.
Muzyka pamior u adnoj z łondanskich klinik 16 lipienia ŭ atačeńni svajoj siamji ad lohačnaj embalii. U apošnija hady Łord pakutavaŭ ad raku padstraŭnikavaj załozy.
Džon Łord (poŭnaje imia Džonatan Duhłas Łord) zasnavaŭ Deep Purple ŭ 1968 hodzie. U nastupnyja hady hurt staŭ kłasikaj chard-roku, a taksama zrabiŭ značny ŭpłyŭ na prahresiŭny rok i chevi-mietał. Łord byŭ adnym ź lidaraŭ kalektyvu i vystupaŭ suaŭtaram praktyčna ŭsich kampazicyj.
Ad 1978 da 1984 hoda, kali Deep Purple časova spynili isnavańnie, Łord na pastajannaj asnovie supracoŭničaŭ z hrupaj Whitesnake, a taksama braŭ udzieł u zapisach Džordža Charysana, Kozi Paŭeła i Devida Hiłmara. Paśla adnaŭleńnia dziejnaści Deep Purple Łord viarnuŭsia ŭ hurt i vystupaŭ ź im da 2002 hoda.
Paśla kančatkovaha sychodu z Deep Purple Łord zajmaŭsia solnaj tvorčaściu ŭ žanry kłasičnaj muzyki.