Dziaŭčynku, jakaja zahinuła ŭ Italii, siońnia pryviazuć u Biełaruś
Papiarednija vyniki śledstva: heta byŭ niaščasny vypadak.
17.07.2012 / 11:22
Jak stała viadoma NN, cieła 11-hadovaj Anhieliny Sudalenka, jakaja trahična zahinuła ŭ Italii, siońnia pryviazuć u Biełaruś. Papiaredniaje rasśledavańnie incydenta pacvierdziła, što dziaŭčynka zahinuła ŭ vyniku niaščasnaha vypadku.
Strašnaja trahiedyja zdaryłasia a 17-j hadzinie ŭ minułuju sieradu.
Dziaŭčynka pryjechała ŭ Itałiju z hrupaj dziaciej Čarnobyla na azdaraŭleńnie. Jana trapiła ŭ siamju ŭ pravincyju Aści, što ŭ Pjemoncie, na paŭnočnym zachadzie Italii. Žyła jana ŭ dalinie Udzone, blizka miažy ź Italii z Francyjaj. Reljef tam harysty.
Dzieci pajechali na ravarovuju ekskursiju. I dziaŭčynka vypadkova źjechała z darohi pad abryŭ. Na biadu, tam akazaŭsia kamianisty adchon hłybinioj 4,5 m... Viertalot «Chutkaj dapamohi» dastaviŭ jaje ŭ špital, ale adratavać dzicia nie ŭdałosia.