У «Данькаў-клубе» займаліся прастытуцыяй. Заведзена крымінальная справа
Затрыманы мастацкі кіраўнік клуба.
27.08.2012 / 12:06
Следчым камітэтам па матэрыялах галоўнага ўпраўлення па барацьбе з арганізаваным злачынствам і карупцыяй МУС Беларусі заведзена крымінальная справа ў адносінах да мастацкага кіраўніка і адміністратара мінскага «Данькаў-клуба».
Як паведамілі ў аддзеле інфармацыі і сувязі з грамадскасцю СК, з матэрыялаў крымінальнай справы вынікае, што
падазраваныя з 2006 года па сёння па месцы працы выкарыстоўвалі заняткі прастытуцыяй у карыслівых мэтах, а таксама прадстаўлялі памяшканні для заняткаў прастытуцыяй.
Дзеянні службовых асобаў кваліфікаваны па ч.2 арт. 171 КК
(выкарыстанне занятку прастытуцыяй альбо стварэнне ўмоваў для заняткаў прастытуцыяй, здзейсненае службовай асобай з выкарыстаннем сваіх службовых паўнамоцтваў).
Следчымі праведзены агляды і вобшукі па месцы жыхарства і працы падазраваных, дапытаныя сведкі. Мастацкі кіраўнік Dankoff Club затрыманы.