Minhandlu: Prodaž televizaraŭ padaje

Pra heta na pres-kanfierencyi 30 kastryčnika paviedamiŭ načalnik upraŭleńnia arhanizacyi handlu i pasłuh Ministerstva handlu Alaksandr Špakoŭski.

30.10.2012 / 14:42

«Analiz prodažu pakazvaje, što realizacyja televizaraŭ z hoda ŭ hod źnižajecca, — adznačyŭ jon. —

Ci ŭ nasielnictva niama mahčymaściaŭ ich kuplać, abo z-za niejkich inšych faktaraŭ».

Pavodle jaho infarmacyi, kali ŭ 2007 hodzie ŭ Biełarusi było pradadziena 500 tys. televizijnych pryjomnikaŭ, to ŭ 2011-m — 233 tys. «Padaje i realizacyja ajčynnych pryjomnikaŭ: u 2010 hodzie realizoŭvałasia 76% ajčynnaj pradukcyi, pa vynikach studzienia-vieraśnia2012-ha — 41%», — paviedamiŭ načalnik upraŭleńnia.

Pavodle jaho słoŭ, u roźničnaj sietcy handlu «šyroka pradstaŭlenyja madeli ajčynnych i impartnych televizaraŭ». «Idzie rekłamavańnie pradukcyi mienavita ajčynnaj vytvorčaści, pradstaŭlenyja roznyja buklety, rabotniki handlu tłumačać pieravahi ličbavaha telebačańnia, jakija nieabchodna kuplać televizary, jakija anteny i prystaŭki», — paviedamiŭ Špakoŭski.

BiełaPAN