Deputaty suprać admieny lhotaŭ
U Pałatu pradstaŭnikoŭ pieradadziena bolš za šeść tysiač podpisaŭ studentaŭ suprać admieny lhotaŭ. Zaŭtra parlament pavinny razhledzieć adrazu ŭ dvuch čytańniach prajekt zakonu ab ilhotach.
22.05.2007 / 16:25
U Pałatu pradstaŭnikoŭ Nacyjanalnaha schodu Biełarusi pieradadziena bolš za šeść tysiač podpisaŭ studentaŭ suprać admieny lhot. Pra heta BiełaPAN paviedamiła vykanaŭčy dyrektar respublikanskaha pravaabarončaha hramadskaha abjadnańnia «Biełaruski Chielsinkski kamitet» (BCHK), staršynia kamisii pa pravach navučencaŭ BCHK Taćciana Hacura.
Pavodle jaje słoŭ, podpisy nakiroŭvalisia jak śpikieru Pałaty pradstaŭnikoŭ Uładzimiru Kanaplovu, tak i deputatam piersanalna. «Kanaplovu my pakinuli bolš za 4.000 podpisaŭ. Pamočniku deputata Hienadzia Davydźki my pieradali 440 zvarotaŭ niepasredna da jaho, pamočniku Haliny Palanskaj — 250 podpisaŭ. Svaje porcyi podpisaŭ atrymali Uładzimir Šokaŭ, staršynia pastajannaj kamisii Pałaty pradstaŭnikoŭ pa adukacyi, kultury, navucy i navukova‑techničnym prahresie Uładzimir Zdanovič i inšyja deputaty», — skazała T.Hacura.
Jana adznačyła, što pamočniki deputataŭ skieptyčna pastavilisia da studenckaj inicyjatyvy. «Jany kazali nam, što praktyčna ŭsie deputaty suprać hetaha zakonaprajekta, ale pravy parłamienta ŭ pryniaćci abo adchileńni zakonaprajektaŭ mocna ŭrezany. A našy podpisy staviać deputataŭ u vielmi składanuju situacyju — bo heta ŭsio‑taki kalektyŭnyja zvaroty hramadzian», — skazała T.Hacura.
Pavodle jak słoŭ, praces pieradačy podpisaŭ studentaŭ suprać admieny lhot u Pałatu pradstaŭnikoŭ budzie pradoŭžany siońnia i zaŭtra.
Nahadajem, 23 maja Pałata pradstaŭnikoŭ pavinna razhledzieć u dvuch čytańniach prajekt zakona «Ab dziaržaŭnych sacyjalnych ilhotach, pravach i harantyjach dla asobnych katehoryj hramadzian», zhodna ź jakim navučency i studenty pazbaŭlajucca 50‑pracentnaj skidki na prajezd u haradskim i pryharadnym transparcie, a taksama 50‑pracentnaj skidki na prajezd u čyhunačnym transparcie padčas siesij.