Miaśnikovič škaduje, što niama KPSS
I krytykuje SND za pravały pa ŭsich kirunkach.
21.06.2007 / 15:45
«Miarkuju, što nie Biełavieskija pahadnieńni lažać u asnovie raspadu SSSR i nie vajenna‑pramysłovy kompleks, jakija zabiraŭ asnoŭnyja srodki. Asnoŭnaja pryčyna ŭ tym, što z Kanstytucyi byŭ vymarany artykuł pra kiroŭnuju rolu KPSS, — zajaviŭ M.Miaśnikovič u čaćvier, vystupajučy padčas mižnarodnaj kanferencyi, pryśviečanaj 15‑hodździu Ekanamičnaha sudu SND.
Na jahonuju dumku, razam z hetym artykułam źnik «stryžań hramadztva». «Siońnia Kitaj pry najaŭnaści kampartyi raźvivajecca i ŭsim demanstruje svaje pośpiechi», — dadaŭ kiraŭnik NAN.
Kažučy pra SND, Miaśnikovič zaŭvažyŭ, što ŭ ramkach Sadružnaści «nie ŭdałosia dasiahnuć pośpiechaŭ pa nivodnym z kirunkaŭ supracoŭnictva: zamiežnaj palitycy, ekanamičnym raźvićci, biaśpiecy». «Heta vyrašajecca ŭ ramkach inšych abjadnańniaŭ na postsavieckaj prastory», — dadaŭ jon.