Spravu Šyły pieradaduć u sud
Moładzievaha aktyvista z Salihorsku Ivana Šyłu a 10:00 u piatnicu 6 lipienia vyklikajuć u haradzkuju prakuraturu.
04.07.2007 / 16:34
Napiaredadni baćku Ivana Ŭładzimieru Šyłu patelefanavaŭ śledčy Alaksiejeŭ, jaki i paviedamiŭ, što chłopiec musić źjavicca ŭ prakuraturu dla aznajamleńnia z materyjałami spravy.
Ivan Šyła kaža, što śledčych užo padpiraje čas, bo 10 lipienia spravu treba albo spyniać, albo pieradavać u sud. Ivan schilajecca da druhoha varyjantu.
Nahadajem, što suprać Ivana Šyły jašče ŭ traŭni zaviedziena kryminalnaja sprava pa artykule 193 KK «Dziejnaść ad imia niezarehistravanaj arhanizacyi». Takaja ž sprava visić i na baranavickim aktyviście Jarasłavie Hryščeni.