Urad prybraŭ da ruk «Biełłakt»
Nieabchodnaść pieradačy zavodu pad kantrol dziaržavy tłumačyli akcyjaneram patrebaj nie dapuścić pierachodu pradpryjemstva va ŭłasnaść rasijanaŭ.
04.07.2007 / 23:23
Akcyjaneram vaŭkavyskaha zavodu «Biełłakt» vykrucili ruki. Pradpryjemstva pryniało rašeńnie pra pavieličeńnie svajho statutnaha fondu šlacham dadatkovaj emisii akcyj, u vyniku čaho 51% akcyj akažacca ŭ dziaržavy.
Dahetul uładalnikami akcyj byli vyklučna fizyčnyja asoby.
«Biełłakt» specyjalizujecca na vypusku suchoha małaka j dziciačaha charčavańnia. Doŭhija hady pradpryjemstvam kiravaŭ Valery Frałoŭ. U studzieni akcyjanery znoŭ pieraabrali jaho kiraŭnikom. Adnak adrazu paśla hetaha schodu na zavod panajechali praviarajučyja. I pa vynikach pravierki zapatrabavali adchileńnia Frałova ad pasady.
Nieabchodnaść pieradačy zavodu pad kantrol dziaržavy tłumačyli akcyjaneram patrebaj nie dapuścić pierachodu pradpryjemstva va ŭłasnaść rasijanaŭ. Zavodu paabiacanyja investycyi ź biudžetu.