Камбайн, куплены за тры мільярды, прастаяў год без працы пад адкрытым небам — фотафакт 4

Падчас праверкі Красненскага льнозавода ў Маладзечанскім раёне Камітэт дзяржкантролю выявіў шмат парушэнняў.

Так, год таму па лізінгу прадпрыемства атрымала льноўборачны камбайн «Ліда-U30», які каштуе 2,8 млрд рублёў. На пагашэнне запазычанасці за яго філіялу выдаткавалі з рэспубліканскага бюджэту больш за 85 мільёнаў рублёў.

За ўвесь год гэты камбайн у працы задзейнічаны не быў. Ён захоўваўся на тэрыторыі льнозавода пад адкрытым небам.

Больш за тры гады на прадпрыемстве стаяць два новыя пасяўныя агрэгаты «Ферабокс-300-01». На іх набыццё з бюджэту выдаткавалі больш за 150 мільёнаў рублёў.

Рэгіянальная газета

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ