Па факце зьнікненьня табельнай зброі вядзецца праверка. Але чуткі ходзяць такія: старшы лейтэнант заступіў на дзяжурства і толькі, калі прыйшоў час абеду, заўважыў, што кудысьці падзеліся пісталет, кабура і папруга. Мяркуюць, што «пажартавала» з вартавога аховы парадку надарваная папруга, але не зразумела, як чалавек не адчуў, што з яго зпадае ўся гэтая зброя ?
Пісталет пакуль не знайшлі ні самі супрацоўнікі міліцыі (а шукалі як след, увесь асабісты састаў ўздымаўся па трывозе!) ні выпадковыя мінакі. Ва ўсялякім выпадку, ніхто назад ў міліцыю пісталету не прынёс, нягледзячы на тое, што праз мясцовыя СМІ звярнулася да грамадзянаў з просьбай вярнуць зніклую зброю.
Чалавека, які знойдзе пісталет з табельным нумарам ИЕ 3736 К чакае ўзнагарода — два мільёны рублёў. Зьдзелка, дарэчы, выгодная: рэальны кошт пісталета Макарава значна ніжэйшы. Акрамя таго, калі той, хто знайшоў пісталет, вырашыць пакінуць яго сябе, або прадаць, ён трапляе пад крымінальную адказнасьць. Тут варыянты могуць быць розныя — ад 2 гадоў выпраўчай працы да 6 гадоў пазбаўленьня волі з канфіскацыяй маёмасьці.
Якое пакараньне пагражае міліцыянту, які згубіў табельную зброю, будзе вызначана па заканчэньні праверкі.