Унучкі Лукашэнкі перамаглі ў творчым конкурсе па беларускай літаратуры 28

18 студзеня ў Дзяржаўным літаратурна-мемарыяльным музеі Якуба Коласа адбудзецца ўрачыстая цырымонія падвядзення вынікаў конкурсу навагодніх пасланняў школьнікаў Беларусі да Якуба Коласа «Гуляй, зіма, твая часіна!..»

Як паведамляюць у музеі, напрыканцы юбілейнага года 130-годдзя з дня нараджэння народнага паэта Беларусі Якуба Коласа музей паэта абвясціў літаратурны конкурс творчых работ для вучняў сярэдніх школ Беларусі. Мэтай конкурсу стала выхаванне любові і цікавасці дзяцей да беларускай літаратуры і культуры, папулярызацыя творчасці Якуба Коласа, выяўленне, падтрымка і заахвочванне таленавітых школьнікаў. Па ўмовах конкурсу лаўрэаты атрымаюць дыпломы, грашовыя прэміі і каштоўныя падарункі.

Конкурс праходзіў з 7 снежня па 10 студзеня.

На адрас журы прыйшлі дзясяткі работ з розных рэгіёнаў Беларусі, асноўная іх тэматыка — уражанні ад зімовых канікулаў, кранальныя дзіцячыя мары пра свае планы на будучае жыццё, самыя сарэдэчныя і шчырыя просьбы да дзядулі Якуба. Творы дзяцей ацэньваліся па двух асноўных узроставых катэгорыях: «Творчыя работы малодшых школьнікаў 1–3 кл." і «Творчыя работы школьнікаў 4–5 кл.».

У журы былі запрошаны вядомыя беларускія паэты і дзеячы культуры — Уладзімір Ліпскі — старшыня журы, галоўны рэдактар часопіса «Вясёлка», Зінаіда Камароўская — дырэктар Дзяржаўнага літаратурна-мемарыяльнага музея Якуба Коласа, Анатоль Бутэвіч — намеснік Старшыні рэспубліканскага савета па справах культуры і мастацтва пры Савеце Міністраў Рэспублікі Беларусь, Міхась Пазнякоў — старшыня Мінскага гарадскога аб’яднання ГА «Саюз пісьменнікаў Беларусі», Алена Масла — галоўны рэдактар часопіса «Бярозка».

Па рашэнні журы лаўрэатамі конкурсу «Гуляй, зіма, твая часіна!..» сталі:

— у катэгорыі «Творчыя работы малодшых школьнікаў 1–3 кл.»

1 месца — Лукашэнка Дар’я (2А), гімназія № 16 г. Мінска, Лукашэнка Настасся (3В), гімназія № 16 г. Мінска,

2 месца — Клікуноў Алесь (2Б), гімназія № 2 г. Мінска,

3 месца — Мядзведзеў Ярамір (2А), гімназія № 16 г. Мінска,

у катэгорыі «Творчыя работы школьнікаў 4–5 кл.«:

1 месца — Краўчанка Максім (5А), гімназія № 30 г. Мінска,

2 месца — Кошкін Уладзімір (5Б), гімназія № 2 г. Мінска,

3 месца — Казак Юлія (4Б), СШ № 34 г. Мінска,

Анікевіч Уладзіслаў (5А), СШ № 34 г. Мінска.

Акрамя таго, у кожнай з катэгорый былі вызначаны заахвочвальныя намінацыі, пераможцы якіх будуць агучаны падчас урачыстай цырымоніі падвядзення вынікаў.

Дзмітрый Лукашэнка з сям'ёй падчас наведвання дзіцячага дома №1 у Мінску

Народная Воля

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ