Краіны Балтыі маюць намер збудаваць новую чыгунку з еўрапейскай шырынёй каляіны (1435 мм). Дарога мае злучыць сталіцу Эстоніі Талін, Латвіі — Рыгу, літоўскі горад Коўна з Варшавай і, далей, Берлінам. Праект носіць назву Rail Baltica. У перспектыве тунэль або чыгуначны паром маюць злучыць Талін са сталіцай Фінляндыі, горадам Хельсінкі.
На сёння краіны Балтыі маюць каляіну шырынёй 1520 мм, як і ўсе краіны былога СССР.
Дзякуючы новай трасе праезд пасажыраў і перавозка грузаў на зсходзе Еўропы палегчыцца. Праект падтрымліваецца Еўракамісіяй.
Аднак задума сутыкнулася з супрацівам Расійскай чыгункі, якая пры гэтым можа страціць зону ўплыву. Прэзідэнт ААТ «Расійскія чыгункі» Уладзімір Якунін назваў задуму бессэнсоўнай і засцярог краіны Балтыі ад поўнага пераходу на каляіну еўрапейскай шырыні.