Пра гэта паведамляюць карыстальнікі сацсетак.
У прыватнасці, карыстальнік Стас Каёшка піша, што практычна нічога не бачыць і не можа выйсці на вуліцу без акуляраў. Вочы ў яго вельмі моцна баляць. Па словах маладога чалавека, ён звяртаўся ў бальніцу, і там яму паставілі дыягназ «апёк вачэй
Словы Стаса пацвярджае карыстальнік Юрый Вераб’ёў. У яго таксама апёк першай ступені, ён піша, што нічога не бачыць другі дзень.
«Моцныя навіны» звязаліся з Юрыем. Малады чалавек расказаў, што на вечарынцы ў яго часам рабілася мутна ў вачах, аднак ён не надаваў гэтаму значэння. Ужо дома яму стала дрэнна, і ён выклікаў хуткую дапамогу, якая даставіла яго ў медгарадок (канкрэтную бальніцу малады чалавек назваць не змог). Дактары паставілі Юрыю дыягназ «хімічны апёк вачэй
Судзіцца з клубам малады чалавек не мае намеру.
У клуб «Плаза» датэлефанавацца не ўдалося.
Па словах іншых карыстальнікаў, на ўваходзе ў клуб вісела аб’ява, што магчымыя алергічныя рэакцыі. Аднак пацярпелыя настойваюць, што ў іх менавіта апёк, а не алергія.
Афіцыйна гэтая інфармацыя пакуль не пацверджаная.