Пра гэта гаворыцца ў новым дакладзе праваабарончай арганізацыі Human Rights Watch.
Многія з іх, у тым ліку сотні тысяч качэўнікаў, былі загнаныя ў так званыя сацыялістычныя вёскі.
Як гаворыцца ў дакладзе, мэта перасялення — больш строгі дзяржаўны кантроль над насельніцтвам Тыбета.
Кітайскія ўлады адмаўляюць тое, што ў краіне праводзіцца палітыка масавага перасялення.
На спадарожнікавых здымках Google, апублікаваных праваабаронцамі, бачныя сляды масавых разбурэнняў тыбецкіх вёсак і з’яўленне на іх месцы правільных шэрагаў новых будынкаў.
«Улады накіроўваюць новыя брыгады партыйцаў у кожную вёску Тыбецкай аўтаномнай акругі», — кажа Нікалас Бекелiн, супрацоўнік Human Rights Watch.
«Гэтым камуністам, якіх накіроўваюць ў вёскі, загадана жыць і працаваць сярод тыбетцаў, дзяліць з імі ежу і інфармаваць улады пра іх настроі і лаяльнасць», — кажа ён.
Улады КНР увесь час сцвярджаюць, што ў Тыбет укладаюцца мільярды даляраў дзеля паляпшэння стану эканомікі рэгіёну і павышэння ўзроўню жыцця тыбетцаў.
Аднак напружанасць у гэтым раёне захоўваецца.
За апошнія чатыры гады не менш за 117 тыбетцаў спалілі сябе на знак пратэсту супраць кітайскага кіравання, загінула 90 чалавек.
Многія тыбетцы пратэстуюць супраць прытоку этнічных кітайцаў у Тыбет, а таксама падаўлення сваёй рэлігійнай свабоды.
У адказ кітайскія ўлады ўзмацняюць у Тыбеце меры паліцэйскага кантролю. У гарадах вядзецца строгі ўлік патэнцыйных дысідэнтаў, якія прыпісаныя да асобных пастарункаў.
Новая сістэма паліцэйскага кантролю прызначаная для прадухілення масавых пратэстаў, якія ў сакавіку 2008 года ахапілі цэнтр Лхасы, сталіцы Тыбета.
З пачатку
