Вось што распавёў сам пацярпелы. Вяртаючыся з працы, у шапіку на аўтавакзале набыў піва. Хацеў адкаркаваць, і ледзьве дакрануўся запальнічкай да корку, як той стрэліў проста ў вока. «Я нават націснуць на корак не пасьпеў, толькі лёгка дакрануўся» — узгадвае Зьміцер.
Потым быў пякельны боль і кроў. Хлопец самастойна даехаў да бальніцы хуткай дапамогі, але там не ўзяліся яго ратаваць і накіравалі ў абласную бальніцу. Там ён цяпер і знаходзіцца. Зьмітру нельга ўставаць з ложку, вока баліць. Мэдыкі не гарантуюць, што вока будзе бачыць. У пацярпелага сур’ёзная ўнутраная гематома. Учора ён пачаў адрозьніваць колеры. Пра нейкае разьбіральніцтва зь піваварамі пакуль ня думае, не да таго. Але, як кажуць суседзі па палаце, трымаецца малайцом.
0
0
0
0
0
0
