Адпаведнае пытанне абмяркоўвалася ў аўторак на высокім узроўні — у часе сустрэчы ў Маскве
«Расейскі бок патрабуе спыніць пастаўкі калійных угнаенняў з Беларусі на свой рынак, у перамовах быў няўступлівы», — адзначыў адзін з суразмоўцаў агенцтва.
Крыніца ў калійнай галіне Беларусі растлумачыла, што гаворка ідзе пра пастаўкі беларускага хлоркалію ў Расею праз незалежныя трэйдарскія структуры.
29 ліпеня расійскі «Уралкалій» абвясціў пра спыненне экспартных паставак праз «Беларускую калійную кампанію» (БКК). Гэты сумесны трэйдар «Уралкалія» і «Беларуськалія» распаўся пасля перыяду ўзаемных прэтэнзій.
