Сёння ўранку на радарах аэрапорта «Мінск-2» не было ані аблачынкі.
Над краінай гаспадарыць спёка.
На пятніцу штармавое папярэджанне з максімальным (чырвоным) узроўнем небяспекі абвясціў Рэспубліканскі гідраметэацэнтр. Не з прычыны буры, не з прычыны залевы. Краіну скварыць.
Надвор'е будзе фармаваць гарачае паветра трапічных шыротаў, таму ў дзённыя гадзіны на паўднёвым захадзе краіны максімальная тэмпература паветра дасягне 35 градусаў вышэй за нуль, на астатняй тэрыторыі яна складзе ад 30 да 34 градусаў.
У Віцебску чакаецца 30—32 градусы, Гомелі, Гродне і Магілёве — 31—33, Мінску — 32—34, Брэсце - 34—35.
У Мінску, Магілёве, Гомелі і Віцебску малавоблачна, у Брэсце і Гродне, дзе пачне адбівацца набліжэнне халоднага фронту, — пераменная воблачнасць, без істотных ападкаў. Вецер ўсюды паўднёвы, ад 4 да 9 метраў за секунду.
Бліжэйшай ноччу халадней за ўсё будзе ў Магілёве — плюс 15—17, цяплей за ўсё ў Брэсце і Гродне — 20—22.
0
0
0
0
0
0
