У Жабінкаўскім раёне 19 жніўня пасажырскі цягнік № 23 Масква—Парыж сутыкнуўся са статкам авечак.
Як паведамілі БелаПАН у лінейным пункце міліцыі станцыі Жабінка Брэсцкага аддзела ўнутраных спраў на транспарце, гэта здарылася каля 18.40 на перагоне Цеўлі — Жабінка.
Недалёка ад чыгуначных пуцей пасвіўся статак авечак, якія належаць жыхарам вёскі Корды Жабінкаўскага раёна. Пастуха з імі не было. Некалькі жывёл выйшлі на чыгуначныя пуці.
Машыніст цягніка, які заўважыў авечак, падаваў гукавыя сігналы і прымяніў экстраннае тармажэнне, але пазбегнуць наезду не атрымалася. Восем жывёл загінулі пад коламі цягніка.
Затрымка руху цягніка склала 40 хвілін. Праверку па гэтым факце праводзіць Брэсцкі АУСТ.
0
0
0
0
0
0
