У Мінску з 23 па 31 жніўня праходзіць універсальная выстава тавараў для маленькіх дзяцей і школьнікаў, паведамілі БелаПАН у аргкамітэце мерапрыемства.
Выстава традыцыйна падзелена на два вялікія блокі — «Нашым дзецям», дзе прадстаўлены тавары і паслугі для цяжарных, немаўлят, дашкольнікаў і іх бацькоў, а таксама «Вітаю, школа!» — гэта буйная
«Нашы выставы традыцыйна збіраюць усіх найбуйнейшых вытворцаў дзіцячых тавараў. Да таго ж яны дазваляюць бацькам пасля адпачынкаў перад новым навучальным годам у дзіцячых садах і школах у адным месцы набыць усё неабходнае. Менавіта гэта з’яўляецца важным фактарам для многіх бацькоў пры вызначэнні, дзе і калі рабіць пакупкі», — адзначыла прадстаўнік НВЦ «Белэкспа» Людміла Драгун.
Сшыткі, ручкі, фламастары, гумкі, тачылкі, каляровую паперу і кардон і ўсе іншыя магчымыя школьныя прылады на выставе прадстаўляюць ТАА «Белтранстон», УП Папяровая фабрыка «Дзяржзнака», ПГУП «Нюлад» і паліграфкамбінат ім. Я.Коласа.
Свае найлепшыя калекцыі школьнай і спартыўнай формы выстаўляюць ААТ «Дзяржынская швейная фабрыка «Эліз» і ЗАТ «Калінка», ААТ «Камволь» і ААТ «Швейная фірма «Юнона», ААТ «Палессе», ААТ «Світанак», ААТ «Гандальадзенне» і ААТ «Трыкатажгандаль». Таксама прадстаўлены дзіцячы абутак ад беларускіх і замежных вытворцаў.
Акрамя школьных тавараў на выставе прадстаўлена мэбля для дзяцей розных узростаў, дзіцячае харчаванне, падгузкі, а таксама паўсядзённае і святочнае адзенне і абутак для дзяцей з нараджэння да падлеткавага ўзросту, метадычныя дапаможнікі, гульні і цацкі для розных узростаў дзяцей, кнігі, гульнёвыя цэнтры, спартыўныя комплексы і шмат іншага.
VII Міжнародную спецыялізаваную
