Пуцін павіншаваў Лукашэнку з днём нараджэння 10

Прэзідэнт Расіі Уладзімір Пуцін накіраваў Аляксандру Лукашэнку тэлеграму з віншаваннем да дня нараджэння. Пра гэта паведамляе інфармагенцтва Русская служба новостей са спасылкай на прэс-сакратара прэзідэнта РФ Дзмітрыя Пяскова.

«Існуе звычайная пратакольная практыка, у адпаведнасці з якой прэзідэнт віншуе сваіх калегаў у іншых краінах. Віншавальная тэлеграма была накіраваная», — сказаў Пяскоў. Пры гэтым суразмоўца РСН не ўдакладніў, калі менавіта віншаванне было адпраўлена.

Як раней паведамляў БелаПАН, прэзідэнт Украіны Віктар Януковіч таксама павіншаваў Аляксандра Лукашэнку з днём нараджэння. Януковіч пажадаў свайму беларускаму калегу «моцнага здароўя, жыццёвай энергіі і поспехаў у дзяржаўнай дзейнасці на карысць беларускага народа».

«Упэўнены, што ўзаемаразуменне, добрасуседства і канструктыўны дыялог будуць нязменным складнікам пашырэння ўкраінска-беларускага супрацоўніцтва ва ўсіх сферах, якія ўяўляюць узаемную цікавасць», — гаворыцца ў віншаванні.

30 жніўня Лукашэнку споўнілася 59 гадоў.

Марына Носава, БелаПАН.

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ