«Ляпісы» выступяць на канцэрце ў падтрымку Навальнага
У акцыі таксама возьмуць удзел «Ночные снайперы», Вася Обломов, «Несчастный случай», «Наадя», Motorama і Владзі («Каста»).
6 верасня на праспекце Сахарава ў расійскай сталіцы пройдзе мітынг прыхільнікаў кандыдата ў мэры Масквы Аляксея Навальнага. Арганізатары абяцаюць 25 тысяч прысутных і перакрыццё руху для зручнага мантажу сцэны.
Мітынг на праспекце Сахарава стане апошняй сустрэчай Навальнага з выбарцамі. Канцэрт пачнецца, а палове на 18-ю. Выступ «Ляпіса Трубяцкога» запланаваны на 21.00.
Дарэчы, у гэты ж дзень у СК «Алімпійскі» адбудзецца мітынг-канцэрт у падтрымку галоўнага апанента Навальнага — Сяргея Сабяніна. Праўда, склад удзельнікаў пакуль не вядомы.
Еўрарадыё
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ