Двое актывістаў міжнароднай экалагічнай арганізацыі «Грынпіс» арыштаваныя пры спробе падняцца на платформу нафтавай кампаніі «Газпром».

Актывісты арганізацыі патрабавалі адмены планаў па свідраванні ў Арктыцы.

Паводле заявы «Грынпіс», памежнікі адкрылі папераджальны агонь, адзінаццаць разоў стрэліўшы ў паветра паблізу ледакола эколагаў «Арктыка Санрайз».

«Расійская берагавая ахова ўжыла непрымальны ўзровень сілы, абараняючы платформу кампаніі „Газпром“.

Усе спробы спыніць мірны пратэст з дапамогай ужывання агню павінны спыніцца неадкладна», — заявіў Бэн Алейф, кіраўнік Арктычнага праекта «Грынпіс».

Арганізацыя патрабуе вызвалення сваіх актывістаў, заяўляючы, што працягне дамагацца стварэння міжнароднага запаведніка вакол Паўночнага полюса.

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?