Былы прэм'ер-міністр Вялікабрытаніі Тоні Блэр стаў кансультантам Албаніі па ўступленні ў Еўрасаюз. Аб гэтым піша The Independent.
Прэм'ер-міністр Албаніі Эдзі Рама заявіў, што Блэр будзе «асабіста і добраахвотна» кансультаваць урад Албаніі. Пры гэтым ён будзе выкарыстоўваць свой «незвычайны досвед і палітычную геніяльнасць» і не будзе атрымліваць узнагароджання.
Фінансаванне групы супрацоўнікаў, якія будуць працаваць з Блэрам, будзе рабіцца з міжнародных фондаў.
На прэс-канферэнцыі сам Блэр заявіў, што ўступленне ў ЕС з'яўляецца «правільным кірункам» для адной з самых бедных краін Еўропы.
Раней Албаніі адмовілі ў членстве з-за недастатковай барацьбы з карупцыяй і злачыннасцю.
0
0
0
0
0
0