Летась Аляксандр Сацура з Гомельшчыны не трапіў у шоу «Х-фактар» на ўкраінскім канале СТБ, бо зашмат выпіў перад эфірам. Сёлета ён паўтарыў спробу ўжо цвярозым.
22-гадовы супрацоўнік лясной прамысловасці выканаў беларускамоўную версію песні Beggin нарвежскага гурту Madcon. Тэкст у яе трохі жартаўлівы.
Да цябе я еду, бэйба, у Брагiн
У Брагiн, Брагiн, у-у-у
Да цябе я еду, май бэйба!
У Брагiн, Брагiн, у-у-у
За табою еду, май бэйба!
Жалезны конь няхай ляцiць
Да Брагiна да i нас болей не спынiць!
У першы раз цяпло вачэй
Я больш за ўсё ўбачыць сам хачу хутчэй!
Ты чакай, ты чакай мяне,
Я прыеду першым.
Кавалераў шмат, але
Зачарую вершам!
Ён цёпла папрасіў залу падтрымаць яго, і журы прапусціла беларуса ў наступны этап кастынгу.