Кампанія хлопцаў загінула пад цягніком на пераездзе ў Маладзечанскім раёне 15

112.by

112.by

У нядзелю вечарам у 22.46 трагедыя здарылася на чыгуначным пераездзе ў Алёхнавічах (Маладзечанскі раён).

Пра гэта паведаміла старшы інспектар службы групы аховы правапарадку і прафілактыкі Маладзечанскага аддзела ўнутраных спраў на транспарце Таццяна Субач.

За рулём легкавіка быў мясцовы 23-гадовы жыхар Алёхнавічаў. Ён выехаў на забараняючы сігнал светлафора. Таццяна Субач падкрэслівае, што ў светлафоры спраўны і гукавы, і светлавы сігнал.

Машына сутыкнулася з пасажырскім і грузавым цягніком.

У выніку сутыкнення загінуў кіроўца і двое пасажыраў. Аднаго пасажыра шпіталізавалі ў рэанімацыю.

У машыне былі маладыя мужчыны: двум па 20 год, аднаму 23, самаму старэйшаму 29.

Зоя Хруцкая, Рэгіянальная газета

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ