Горадню яны накрыюць ад вечара аўторка, Берасьце, Менск і Віцебск — ад ранку серады, а да Гомеля дойдуць па паўдні серады.
Працяглае і надзвычай цёплае бабіна лета сканчаецца. Яно пабіла шэраг тэмпэратурных рэкордаў, высьпеліла антонаўкі і каштэлі, укрыла лясы баравікамі.
Хваля дажджоў насоўваецца на Беларусь з-над Балтыкі і Атлянтыкі. Горадню яны накрыюць ад аўторкавага падвячорка, Берасьце, Менск і Віцебск — ад ранку серады, а да Гомеля дойдуць па паўдні серады.
Першая хваля ападкаў будзе самая інтэнсіўная.
Дажджы зь перапынкамі будуць ліць аж да пятніцы, пасьля чаго, згодна з прагнозамі сыноптыкаў, на некалькі дзён усталюецца яснае, хоць ужо і халаднейшае надвор’е, сапраўдная залатая восень, празрыстая і шчымлівая.
