23 лютага ў «Прэзідэнт-гатэлі» павінен быў адбыцца спектакль «На тым жа месцы ў будучым годзе».
Гэта знакамітая брадвейская камедыя па аднайменнай п’есе Бернарда Слэйда.
Галоўныя ролі ў пастаноўцы выконваюць зоркі Тэатра-студыі кінаакцёра – Віктар Рыбчынскі і Вера Палякова, жонка міністра замежных спраў Беларусі Уладзіміра Макея.
Але спектакль так і не пачаўся. У гатэлі проста не змаглі адкрыць заслону.
50 хвілін перапоўненая глядзельная зала «Прэзідэнт-гатэля» слухала музыку Вівальдзі. А стваральнікі спектакля імкнуліся выправіць праблемы.
А 20-й гадзіне канчаткова стала вядома, што пастаноўка не адбудзецца. Як паведамляе «Onliner.by», гледачы спектакля падышлі да сцэны і пагутарылі з рэжысёрам Таццянай Траяновіч і Верай Паляковай. Тыя
абяцалі вярнуць грошы, пасля таго, як разбяруцца з сітуацыяй.
