19 кастрычніка адбыўся канцэрт Змітра Вайцюшкевіча, на якім былі прэзентаваны новыя песьні на вершы знанага мэтра паэзіі, публіцыста і грамадзкага дзеяча Генадзя Бураўкіна. Яны складуць лістападаўскую праграму пад назвай “Лірыка” і напрыканцы года выйдуць асобным дыскам. Слухачы з цеплынёй успрынямі папулярныя творы на словы Р.Барадуліна, Ул.Някляева, Л.Дранько-Майсюка, А.Русака.

“Спявак знайшоў адэкватны музычны стыль, які адпавядае вершам сучасных беларускіх класікаў, - кажа публіцыст і паэтка Валянціна Аксак. -Створаныя ў сілаба-танічным рытме, яны падразумяваць магчымасьць быць пакладзенымі на музыку, іх ад пачатку напаўняе сугучнасьць сьпевам. Іншая справа праспяваць Маякоўскага, але і тут артыст набірае вышыню шчырасьцю і палымянасьцю пачуцьцяў.”

З далікатнасьцю і прафесійнасьцю музыкант падыходзіць як да вядомых паэтычных узораў, так і да прыхаваных, і яны ў яго выкананні становяцца маленькімі шэдэўрамі.

Набліжаючыся да фальклорных матываў, артысты “WZ -Orkiestra” кіруюцца беларускай фальклёрнай мелодыкай, адчуваюць народную стыхію, насычаную ўнутраным драматызмам, як гэта яскрава бачна ў баладах, казках “ Зялёны дубочак”, “ Даніла” і іншых.

140,1 (Кб)
З.Вайцюшкевіч.

Адбылася прэмьера некалькіх песень на вершы з новага цыкла “Лірыка”. Мягкасьць, стрыманая рашчуленасьць, задушэўнасьць, ўласьцівыя бураўкінскай лірыцы, спалучаюцца з багатай аркестроўкай. У новых песнях “Твая пяшчота”, ”Месяц –жоўтая лодка”, “Суседка” праступаюць непаўторныя абрысы паэзіі трапяткога майстра.

342,1 (Кб)
Генадзь Бураўкін зь сям'ёй.

Слова, сагрэтае ўтрапёным пачуццем, напаўняе радасьцю беларускую душу.

“Я прыемна ўражаны новымі адкрыцьцямі, якія прапануе таленавіты сьпявак,- кажа пастаянны наведвальнік праграм, амбасадар Каралеўства Швецыі Стэфан Эрыксан.

Каб таксама заахвоціць сьпевака да сумеснай творчасьці, мы прапанавалі яму вершы сучасных шведскіх паэтаў у перакладзе Дз. Плакса, ён паглыбляецца ў іх вывучэнне, рыхтуе для іх музычную афарбоўку”.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру