 |
Напярэдадні акцыі яе заяўнікі даслалі лісты шмат каму з чыноўнікаў, апроч Пяткевіч, у сьпісе таксама былі прэм’ер‑міністар Сяргей Сідорскі, старшыня ФПБ Леанід Козік, сьпікер палаты прадстаўнікоў Вадзім Папоў.
«Натальля Пяткевіч адзначыла ў сваім лісьце, што яна зь вялікай цікавасьцю азнаёмілася з нашымі прапановамі адносна сацыяльнай палітыкі дзяржавы. Разам з тым, яна лічыць, што такія пытаньне не вырашаюцца шлях масавых дэманстрацый. Такім чынам, можна меркаваць, што спн.Пяткевіч на марш ня прыйдзе. Яна таксама сказала, што ў гэты час улады займаюцца рэальным вырашэньнем гэтых пытаньняў, шукаюць шляхі адраснай дапамогі некаторым катэгорыям грамадзянаў, якія пазбавіліся льгот. Мы лічым такі адказ нашым посьпехам, бо летам заяўлялася, што ўсе пытаньні адносна сацыяльнай падтрымкі грамадзянаў вырашаныя. Цяпер яны мусяць канстатаваць адваротнае», — сказаў В.Ухналёў.
Натальлі Пяткевіч пісалі і заяўнікі Эўрапейскага маршу, але тады адказу не было. Апазыцыянэры лічаць, што адказаў ад іншых чыноўнікаў ня будзе, бо Натальля Пяткевіч выказала агульную пазыцыю ўладаў.
Нагадаем, што Сацыяльны марш пройдзе 4 лістапада. Ён пачнецца а 12:00 ля Акадэміі навук і скончыцца ў парку Дружбы народаў.
