У Курапатах ушанавалі памяць ахвяраў сталінізму 1

У панядзелак, у Курапатах, прадстаўнікі грамадзкасьці ўшанавалі памяць ахвяр сталінізму, якія былі зьнішчаныя ў Менску і яго ваколіцах. У мерапрыемстве ўзялі ўдзел некалькі дзясяткаў чалавек.

Каля крыжа «Пакутнікам Беларусі» адбыўся малебен. Грэка-каталіцкі сьвятар Зьміцер Грышан прачытаў малітвы за спачын душаў закатаваных, а таксама «Магутны Божа». Людзі ўсклалі да крыжоў кветкі, вянкі, запалілі сьвечкі.

Фотарэпартаж Андрэя Лянкевіча