Аляксандр Лукашэнка раскрытыкаваў ход падрыхтоўчых работ па будаўніцтве дзелавога цэнтра «Мінск‑сіці», паведамляюць афіцыйныя крыніцы.

За мінулы год, «апрача размоў, нічога не змянілася», заявіў прэзідэнт 30 кастрычніка падчас нарады па пытанні будаўніцтва дзелавога цэнтра «Мінск‑сіці» з удзелам кіраўніцтва расійскага ТАА «Ітэра груп». «Калі мы 300 гектараў будзем забудоўваць да 2020 года, а можа быць, і далей, то што пра гэта казаць? Я тады буду запрашаць замежных спецыялістаў, якія створаць варыянты забудовы гэтай тэрыторыі», — заявіў А.Лукашэнка.

Ён запатрабаваў паскорыць работы па будаўніцтве дзелавога цэнтра, падкрэсліўшы, што такая грандыёзная будоўля ў цэнтры сталіцы — заманлівая справа, паколькі сёння яна запатрабаваня. «Хто можа заўтра гарантаваць, што будзе такой попыт на цэнтр Мінска? Будаваць трэба значна хутчэй, 12 гадоў — недазволеная раскоша», — падкрэсліў прэзідэнт.

Нагадаем, 24 ліпеня 2007 года на сустрэчы з А.Лукашэнкам прадстаўнікі холдынга «Ітэра» заявілі аб жаданні інвеставаць уласныя і пазыковыя сродкі ў памеры 30 млрд. долараў у будаўніцтва «Мінск‑сіці». «Ітэра» прапанавала пабудаваць жылы раён на 35‑38 тыс. жыхароў (прыкладна 850 тыс. кв. м) і вышынны адміністрацыйна‑дзелавы цэнтр, у якім будуць размешчаны офісныя, гандлёвыя і гатэльныя плошчы, а таксама вежа вышынёй 70‑80 паверхаў. Плануецца, што будаўніцтва цэнтра павінна распачацца ў 2009 годзе адразу пасля завяршэння праектных работ.

БелаПАН

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру