Беларускі гурт « Ляпіс Трубяцкі» развітаецца з украінскімі прыхільнікамі вялікім канцэртам.
Калектыў, які нядаўна заявіў, што спыняе сваё існаванне з верасня гэтага года, рыхтуецца да апошніх выступленняў. Адзін з развітальных канцэртаў адбудзецца ў Кіеве.
Убачыць Сяргея Міхалка і «Ляпісаў» украінскія фанаты змогуць 26 жніўня на стадыёне «Дынама».
Раней «Ляпіс Трубяцкі» паведаміў, што сыграе тры фінальныя канцэрты.
«Гурт «Ляпіс Трубяцкі» вырашыў даць 3 развітальныя канцэрты са спецыяльнай праграмай «Клоуна няма». Сольныя выступы ў Маскве, Кіеве і Санкт -Пецярбургу будуць аб'яднаныя ў самы кароткі ў гісторыі «Ляпісаў» Happy End Tour», — напісалі музыкі.
Нагадаем, зараз гуртом «Ляпіс Трубяцкі» зацікавілася Генпракуратура Расеі. Франтмэна калектыву падазраюць у антырасейскай прапагандзе і хочуць пакараць за лозунг «Слава Украіне!».
