Расследуецца крымінальная справа супраць былога начальніка Віцебскага абласнога ўпраўлення Дзяржпрамнагляду.

«Абвінавачаны на працягу некалькіх апошніх гадоў сістэматычна даваў распараджэнні падначаленым пра складанне фальшывых загадаў пра яго камандзіраванне ў розныя гарады краіны. Пасля чаго асабіста прадстаўляў у фінансавую службу фіктыўныя дакументы, якія пацвярджалі факт яго знаходжання ў камандзіроўцы. Аднак фактычна нікуды не выязджаў. Але рэгулярна на свае карт-рахункі атрымліваў грошы ў якасці кампенсацыі нібыта панесеных ім камандзіровачных выдаткаў»,

— паведаміла прадстаўнік упраўлення Следчага камітэта па Віцебскай вобласці Іна Гарбачова.

Таксама ён выкарыстоўваў службовую заправачную картку для запраўкі ўласнага аўто і машыны дачкі. Для сваіх аўто за кошт працы арэндаваў гаражы, для асабістых мэтаў выкарыстоўваў службовы транспарт і прыцягваў падначаленых.

Былога начальніка абвінавацілі ў крадзяжы і злоўжыванні службовымі паўнамоцтвамі. Справу перадалі пракурору для накіравання ў суд.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?