Федэральная служба Расіі па ветэрынарным і фітасанітарным наглядзе заявіла, што каментары памочніка кіраўніка ведамства Аляксея Аляксеенкі адносна спісу забароненых да імпарту прадуктаў варта расцэньваць як яго асабістае меркаванне.
У сераду Аляксеенка заявіў, што спіс будзе максімальна шырокім, у прыватнасці, пад поўную забарону трапяць садавіна і гародніна з краін ЕС.
Таксама, па яго словах, Расія цалкам забароніць увоз сельскагаспадарчай прадукцыі з ЗША, у тым ліку кураціну.
6 жніўня Уладзімір Пуцін падпісаў указ аб накладанні абмежаванняў або забароны на ўвоз у Расію «асобных відаў сельскагаспадарчай прадукцыі, сыравіны і харчавання» з краін, якія ўвялі санкцыі ў дачыненні да Расіі ў сувязі з падзеямі на Украіне.
Забарона будзе дзейнічаць на працягу аднаго года.
Апублікаваць спіс забароненых прадуктаў плануецца ў другой палове дня ў чацвер.
