Аператыўнікамі аддзялення па наркакантролі і процідзеянні гандлю людзьмі Партызанскага РУУС Мінска затрымана 21-гадовая мінчанка.
Падчас правядзення агляду ў яе быў знойдзены шпрыц з рэчывам карычневага колеру. Як высветлілася пасля, гэта быў опіум.
Як паведамляе ГУУС Мінгарвыканкама, у незамужняй, афіцыйна не працуючай жанчыны на ўтрыманні знаходзяцца двое малалетніх дзяцей. Займалася яна тым, што падзарабляла ў адным з падземных пераходаў, прадаючы жаночыя калготкі. Пакутуючы ад залежнасці, падчас абедзеннага перапынку жанчына прымала наркотыкі ў адным з грамадскіх туалетаў. Там і была затрымана.
Паводле слоў жанчыны, наркотыкі яна набывала для сябе, без мэты далейшага збыту.
Па гэтым факце праводзяцца праверачныя мерапрыемствы.
