Літоўскія прафсаюзы абяцаюць ініцыяваць у еўрапейскім маштабе збор гуманітарнай дапамогі цывільным жыхарам Украіны, якія пацярпелі ад вайны.
У аўторак пасля сустрэчы з прадстаўнікамі прафсаюзаў Украіны ў Вільні міжнародны сакратар літоўскага прафсаюза «Салідарнасць» Дайва Квядарайце паведаміла журналістам, што найперш паспрабуюць дапамагчы украінскім рабочым — сябрам прафсаюзаў.
«Мы распаўсюдзім гэтую вестку і ў Еўропе, сярод нашых калегаў, паспрабуем пагрукаць у іх сэрцы і заклікаць да добрай волі. Гэта будзе агульная акцыя, я думаю з прафсаюзамі Еўропы», - сказала Квядрайце.
на фота — акцыя ў падтрымку Украіны, што прайшла 25 студзеня ў Вільні, фота Delfi.lt
