Трагедыя адбылася днём 24 верасня ў в. Лясная.
33-гадовы вясковец, як мяркуецца, разбіраў снарад на прысядзібным участку. Адбыўся выбух, у выніку якога мужчына загінуў. Па словах суседзяў, загінулы збіраў і здаваў металалом.
«Я на вуліцы сядзела, калі пачула моцны выбух. У мяне аж вушы заклала. Не адразу і зразумела, што адбылося», — распавяла суседка.
Па словах жанчыны, у двары, акрамя загінулага, у той момант нікога не было.
