Акцыю «Зімовую шыну — на машыну!» правядзе ДАІ ў Мінску 3

ДАІ Фрунзенскага раёна Мінска 21 кастрычніка правядзе акцыю «Зімовую шыну — на машыну!», паведамляе БелТА.

У Фрунзенскім раёне Мінска інспектары ДАІ будуць спыняць ужо «пераабутыя» ў зімовую гуму аўтамабілі і ўручаць кіроўцам падарункавы сертыфікат на бясплатную мыйку «Люкс».

Кіроўцам, якія яшчэ не паспелі замяніць гуму, будуць уручаныя спецыяльныя сертыфікаты з 50%-й зніжкай на замену шын. «Сертыфікат бестэрміновы», — распавялі ў ДАІ Фрунзенскага раёна Мінска.

Дзяржаўтаінспекцыя рэкамендуе кіроўцам змяніць шыны, калі тэмпература знізіцца да 7 градусаў, пакуль ёсць магчымасць зрабіць гэта спакойна, без чэргаў на шынамантажах.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ