 |
Так, базавы прагнозны параметр тэмпу росту валавога ўнутранага прадукту ўстаноўлены на ўзроўні 108‑109 працэнтаў, што адпавядае заданню Праграмы сацыяльна‑эканамічнага развіцця Беларусі на 2006‑2010 гады.
Аднак для выканання задачы кіраўніка дзяржавы па мабілізацыі эканомікі краіны ўраду і Нацыянальнаму банку даручана распрацаваць комплекс дадатковых мер па павышэнню эфектыўнасці эканомікі і дынамічнаму яе развіццю для дасягнення ў 2008 годзе тэмпаў росту валавога ўнутранага прадукту на ўзроўні 110‑111 працэнтаў.
У мэтах забеспячэння ўстойлівага эканамічнага росту і павышэння ўзроўню жыцця насельніцтва вызначаны наступныя найважнейшыя параметры прагнозу сацыяльна‑эканамічнага развіцця Беларусі на 2008 год.
Тэмп росту вытворчасці прадукцыі прамысловасці ў супастаўных цэнах да 2007 года складзе 108‑109 працэнтаў, прадукцыі сельскай гаспадаркі — 107‑108 працэнтаў. Вытворчасць спажывецкіх тавараў павінна скласці 109‑110 працэнтаў, у тым ліку харчовых — 108‑109 працэнтаў, нехарчовых — 110‑111 працэнтаў. Інвестыцыі ў асноўны капітал у 2008 годзе плануецца павялічыць на 15‑17 працэнтаў.
Тэмп росту аб’ёму знешняга гандлю таварамі і паслугамі па метадалогіі плацежнага балансу складзе 114,5‑115,5 працэнта, у тым ліку экспарту — 116‑117 працэнтаў, імпарту — 112,5‑113,5 працэнта пры адмоўным гандлёвым сальда ў памеры $1400‑1420 млн.
Рэальныя грашовыя даходы насельніцтва ў 2008 годзе павінны ўзрасці на 9‑10 працэнтаў. Рознічны тавараабарот неабходна павялічыць на 10‑11 працэнтаў, аб’ём платных паслуг насельніцтву — на 9‑10 працэнтаў, прадукцыйнасць працы — на 6,9‑7,7 працэнта.
Рэнтабельнасць рэалізаванай прадукцыі, работ і паслуг у прамысловасці чакаецца на ўзроўні 12‑13 працэнтаў. Энергаёмістасць валавога ўнутранага прадукту трэба будзе знізіць на 7‑8 працэнтаў.
У 2008 годзе прадугледжваецца ўвесці ў эксплуатацыю за кошт усіх крыніц фінансавання 4,7‑5,2 млн.кв.м жылля. Колькасць занятых у эканоміцы складзе 4460‑4535 тыс. чалавек.
