Белы дом паведаміў, што прэзідэнт ЗША Барак Абама да канца гэтага тыдня падпіша прыняты кангрэсам закон пра новыя санкцыі ў дачыненні да Расіі і аб прадастаўленні дапамогі Украіне.

Па словах прэс-сакратара Белага дома Джона Эрнэста, Абама па-ранейшаму адчувае пэўны непакой з нагоды закона, але лічыць, што той дае яму неабходную свабоду для манеўру.

«Закон аб падтрымцы свабоды Украіны» накладвае санкцыі ў асноўным на абаронную прамысловасць Расіі.

Ён быў прыняты ў мінулую суботу абсалютным большасцю ў кангрэсе.

Калі амерыканскі лідар падпіша законапраект, які дэманструе рэдкую салідарнасць паміж рэспубліканцамі і дэмакратамі, ЗША увядуць санкцыі ў дачыненні да «Расабаронэкспарта» і іншых расійскіх абаронных прадпрыемстваў.

Законапраект таксама дазваляе прэзідэнту Абаму аказваць ваенную дапамогу Украіне, але не абавязвае яго гэтага рабіць.

Акрамя таго, будзе пашыраны індывідуальны санкцыйны спіс.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру