Падпісаны трохгадовы кантракт на пастаўку расійскага газу ў Беларусь, паведамілі ў ААТ «Газпрам трансгаз Беларусь», паведамляе БелТА.

Падрабязнасці кантракта ўдакладняюцца. Як паведамляў раней першы намеснік прэм'ер-міністра Уладзімір Сямашка, падрыхтаваны да падпісання дакумент прынцыпова не адрозніваўся ад дзеючага. «Мы не адышлі ад той прынцыповай формы ў цэнаўтварэнні, якая была. З-за таго што курс расійскага рубля пайшоў уніз, з 1 студзеня для нас цана на газ крыху знізіцца. Сёння яна амаль $168 за 1 тыс. куб.м, а будзе недзе $154-155», - растлумачыў тады першы віцэ-прэм'ер.

Гаворачы аб аб'ёмах паставак, Уладзімір Сямашка адзначыў, што Беларусь атрымае прыроднага газу пад поўную патрэбнасць. «На ўзроўні 22 млрд куб.м газу ў год. Іншы раз гэтыя аб'ёмы не выбіраем, у кантракце ёсць допуск плюс 5 працэнтаў, мінус 10 працэнтаў», - сказаў ён.

Дзеючы трохгадовы кантракт на пастаўку «Газпрамам» прыроднага газу для Беларусі заканчваецца 31 снежня 2014 года.

Бакі падпісалі таксама кантракт на транспарціроўку газу праз тэрыторыю Беларусі на наступныя тры гады. Па магістральных трубаправодах, якія праходзяць па тэрыторыі Беларусі, расійскі прыродны газ пастаўляецца ў Калінінградскую вобласць, Літву, Украіну і Польшчу.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру