Удзень 19 снежня ў Беларусі пачаліся праблемы з доступам да папулярных інтэрнэт-рэсурсаў. Tut.by і Onliner.by былі недаступныя праз праблемы ў дата-цэнтрах ды наплыў карыстальнікаў. Charter97.org i Belaruspartisan.org здаваліся заблакаванымі.

У раёне 17:00 сайт Charter97.org аднавіў працу.

Сайт «Беларускага партызана» застаецца недасяжным з Беларусі, але дасяжным праз ананімайзеры. Сігнал абрываецца на сетцы «Белтэлекама» Belpak.

«Белтэлекам» тымчасам паведамляе аб DDOS-атаках: «У сувязі з DDOS-атакай на абсталяванне ЦАД РУП «Белтэлекам» магчымыя цяжкасці з доступам да шэрагу інфармацыйных рэсурсаў нацыянальнага сегмента сеткі Інтэрнэт. Спецыялістамі прымаюцца ўсе магчымыя меры па лакалізацыі магчымых праблем».

* * *

Сайт «Нашай Нівы» NN.BY працуе з вялікімі перагрузкамі ў сувязі з рэзкім ростам наведванняў. Мы былі вымушаныя адключыць усе рэкламныя банеры, каб Вы маглі лягчэй адкрываць сайт.

Не выключана, што сайту на нейкі час прыйдзецца перайсці ў рэжым ПДА-версіі.

У выпадку поўнага спынення доступу да НН сачыце за стужкай навін NN.BY Укантакце, Фэйсбуку і Твітары: https://vk.com/nasa_niva, facebook.com/Наша Ніва, https://twitter.com/nasa_niva.

Калі ласка, вынесіце гэтыя старонкі сабе ў закладкі.

У выпадку форс-мажорнага развіцця сітуацыі аб далейшых кроках будзе паведамляцца праз стужкі навін НН Укантакце, ФБ і Твітары, а таксама на прыватных старонках рэдактараў НН.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру