Пермскі клуб «Горны Крышталь» запрасіў гасцей на навагоднюю вечарынку пад назвай «Крышталёвая ноч».
На сайце клуба апублікаваны анонс мерапрыемства: «Чаго вы чакаеце кожны новы год? Вядома, цуду! Гэта, бадай, адзінае свята, калі заўсёды хочацца трохі верыць у магію! «Горны Крышталь» запрашае Вас чароўна сустрэць 2015 год!».
«Зрабіце сваё свята феерычным разам з «Горным крышталём»! — заклікаюць арганізатары свята.
Вадзім Юсупаў, дырэктар сеткі «Норман-Віват», якой належыць клуб, выступіў за змену назвы вечарынкі.
«У нас ёсць менеджар клуба для вырашэння такіх пытанняў, але як заснавальнікі мы лічым, што проста называць мерапрыемства асацыяцыяй, вядомай на ўвесь свет, няма сэнсу. Хутчэй за ўсё, яны неяк скарэктуюць сваю назву», — сказаў Юсупов.
«Крышталёвая ноч» — яўрэйскі пагром, які зладзілі штурмавікі СА ў лістападзе 1938 года ў Германіі і Аўстрыі. Дакладная колькасць ахвяр застаецца невядомай: па некаторых ацэнках, у выніку нападаў маглі загінуць ад 1 да 2 тысяч чалавек. Вуліцы гарадоў падчас пагрому аказаліся засыпанымі аскепкамі шкла крам і іншых будынкаў, якія належалі яўрэям — адсюль з'явілася назва «Крышталёвая ноч».
