За год яны вырасьлі прыкладна на 3,2 мільярда, збольшага за кошт росту замежнай запазычанасьці, што вырасла за год на 5 млрд даляраў.
На пачатак сьнежня 2007 году міжнародныя рэзэрвовыя актывы Беларусі ў нацыянальным вызначэньні складалі $3402,8 млн., павялічыўшыся за студзень-лістапад на $1679,5 млн. Да канца сьнежня золатавалютныя рэзервы дасягнулі амаль $5 млрд, бо краіна атрымала 1,5 мільярда даляраў крэдыту ад Расеі.
Гэты прырост быў пераважна забясьпечаны за кошт замежных запазычаньняў, якія за 2007 год вырасьлі прыкладна на 5 мільярдаў даляраў, з 6,7 млрд на пачатак году да больш чым 11,5 млрд пры канцы.
Калі ад сумы набраных крэдытаў (5 млрд) плюс сумы, атрыманай ад продажу 12,5 % акцый «Белтрансгазу» (0,625 млрд) і кантрольнага пакету «Вэлкаму» (апошняя лічба трымаецца ў таямніцы: магчыма, гэта каля 0,7 млрд), адняць лічбу прыросту золатавалютнага запасу (3,2 млрд), можна ацаніць страты Беларусі ад павышэньня цэнаў і зьмены ўмоваў паставак расейскіх энэрганосьбітаў — прыкладна 3 мільярды даляраў.
Да 2010 года краіна мае намер нарасціць міжнародныя рэзервовыя актывы да $10 млрд. Гэта неабходна, каб дасягнуць стандартаў Міжнароднага валютнага фонду па наяўнасьці рэзэрваў у памеры 3-месячнага імпарту, што мае забясьпечыць Беларусь ад паўтору расейскага энэргетычнага шантажу.
Асноўнымі напрамкамі грашова-крэдытнай палітыкі Рэспублікі Беларусь на 2008 год прадугледжана, што міжнародныя рэзэрвовыя актывы краіны павялічацца ня менш як на $280 млн., галоўным чынам за кошт прытоку замежнага капіталу па фінансавым рахунку. У той жа час пры прыцягненьні ў эканоміку $2,5 млрд. прамых замежных інвестыцый прырост золатавалютных рэзерваў дзяржавы прагназуецца ў памеры амаль $2,2 млрд.
