У Ганконгу крыху больш за 100 актывістаў выйшлі на шэсце ў гонар свята. Падчас шэсця яны расцягнулі банер, на якім быў напісаны заклік да прадастаўлення жыхарам Ганконга права на галасаванне.

Пра гэта ў сераду, 24 снежня, паведамляе сайт Channel NewsAsia.

Дэманстранты расцягнулі банер з надпісам «Мы хочам гэтага права голасу» і дайшлі да будынка гарадской адміністрацыі. Многія з іх выйшлі з жоўтымі парасонамі, у знак салідарнасці з тымі людзьмі, якія прымалі ўдзел у руху Occupy Central.

Пратэсты ў Ганконгу пачаліся 26 верасня з дэманстрацыі студэнтаў, якія патрабавалі дэмакратычных рэформаў. 3 кастрычніка ў горадзе пачаліся масавыя беспарадкі.

Як адзначае сайт, шэсце было першай масавай акцыяй пасля таго, як паліцыя горада разабрала барыкады актывістаў руху Occupy Central на вуліцах у цэнтры горада.

15 снежня паліцыя прымусіла пакінуць вуліцы апошніх дэманстрантаў. 25 лістапада паліцыя затрымала двух лідараў пратэстнага руху — Джошуа Вонга і Лестэра Шуму.

Паміж Ганконгам і Пекінам працуе пагадненне «адна краіна, дзве сістэмы», што дае грамадзянам права на выказванне пратэсту. Студэнты і актывісты Occupy Central патрабавалі правесці ў 2017 годзе ў Ганконгу прамыя свабодныя выбары кіраўніка мясцовай адміністрацыі, якія раней прызначаўся падкантрольнай Пекінскім уладам калегіяй выбаршчыкаў.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру