Кіраўнік ЦВК Курултая крымскататарскага народу Заір Смядляеў, якога выклікалі ў пятніцу на допыт ва Упраўленне ФСБ РФ па Рэспубліцы Крым, адмовіўся адказваць на пытанні следчых на рускай мове, скарыстаўшыся сваім правам даваць тлумачэнні на роднай крымскататарскай мове.
З гэтай прычыны допыт у ФСБ перанеслі на 10 лютага.
«Я скарыстаўся сваім правам даваць тлумачэнні на роднай крымскататарскай мове. Згодна з артыкулам 18 Крымінальна-працэсуальнага кодэкса РФ, я маю права даваць тлумачэнні на роднай мове і маю права на бясплатнага перакладчыка. Паколькі сёння па тэхнічных прычынах яны не змаглі арганізаваць прысутнасць перакладчыка, допыт перанесены на 10 лютага, 9.30», — распавёў кіраўнік ЦВК Курултая.
Раней Заір Смядляеў паведамляў на сваёй старонцы ў Facebook, што яго выклікаюць на допыт па «справе 3 мая». Гаворка ідзе аб масавым мітынгу пратэсту супраць забароны на ўезд у Крым лідэра крымскіх татараў Мустафы Джэмілева.
Крымскія татары прарвалі кардон АМАПа для сустрэчы Джэмілева, 3 мая 2014 года.